Home > > Amir Sampuraga - Tauncang (Lagu KIM)

Amir Sampuraga - Tauncang (Lagu KIM)

Ka ladang mari ka ladang, ka ladang batanam padi
Lah sudah batu di goyang, bamain kito kembali
Karanggo samuik nan sirah, di adu ndak namuah manang
Bamain usahlah lengah, kok anguih tangguangkan surang

Di angkek batu partamo, apo angko nan tibo
Hati-hati manjago, si muncak pulang baburu
Dapek ruso balang kaki, di hati lai ka tuju
Induak samang sato manggili, tujuah puluh satu

Di tampih bareh di tampih, di indang ba dadak juo
Di ganti alah di ganti, nan lamo taraso juo
Sapuluah nan di cari, di sinan Mamak manjago
Bara lah sanang hati, hadiah raso ka punyo

Lah sudah batu di goyang, dangakan tarang-tarang
Apo angko nan tibo, urang Medan pandai batanam
Batanam si buah lado, nan punyo Denai mandamam
Dek ulah suduik matonyo, salapan puluah anam

Malenggok si rantiang pinggang, nan gapuak indak ba pinggang
Lah jaleh awak tauncang, si Oyong juo datang
Dek kawan ndak manenggang, tapaso Denai barutang
Bini Den lah berang-berang, salapan paniang surang

Anak ketek kalengkong peong, babanak ka ampu kaki
Dari ketek bamain serong, lah gadang mancari laki
Dek acok inyo tadorong, dapek laki bujang gadih
Satu manyasa diri, nyo tajun banda bakali

Samsudin kawan Samsudan, salapiak sapatiduran
Dek ulah rayuan setan, lah nyo santuang tipi kawan
Barangkek inyo ka Medan, tatangkok di Sibintuan
Lapan puluah lapan, coretlah kupon Tuan

Katupek di Bangkahulu, di makan di hari Rayo
Lah panek Denai manunggu, nan Adiak ndak kunjuang tibo
Mungkin karano malu, dijadikan bini mudo
Ampek puluah satu, di sinan mangko tabedo

Lah tarang bulan cuaco, nak mudo manjalin cinto
Kok umua bialah tuo, nan salero mudo juo
Mandaki baibo-ibo, manurun lah sandek pulo
Ampek baleh nan tibo, nasib gaek Abogo

Balawan tongkang balabuah, hari patang bongka sauah
Dek ulah acok mangicuah, kawan arek jadi musuah
Salapan puluah tujuah, alun juo ado namuah
Malompek takuik tajatuah, cari ampek puluah tujuah

Si Inang palayan seksi, tiok malam cari laki
Pai sanjo pulang pagi, nomor anam di isi
Merpati di awan biru, maraok ka ladang urang
Dek ulah ndak punyo malu, tiok lapau nyo barutang

Babunyi puyuah di hutan, manyauik gagak di rimbo
Babini jo urang hutan, awak lah manjadi karo
Kok dapek parangai setan, honor kawan di santuang juo
Baitu malang badan, anam puluah salapan

Lainnya :

No comments: