Harry Parintang ft.Elsa Pitaloka - Cinto ndak dapek basatu

[Elsa] Bialah cinto ko putuih
Bialah kasiah ko hanguih
Bialah jantuang hati ko ramuak
Hancua mambaro
pado batambah laruik juo, padiah juo,
Seso juo, di dalam bathin ko..

[Harry] Usah sasali ondeh adiak
Usah tangisi nan tajadi
Aia mato indak ka dapek manyalasaikan
Sakik di adiak nan taraso
Padiah di denai baitu puto
Ndak di dalam sanang sajo kito baduo..

[Elsa] Hari ka hari di nanti
Bulan ka bulan di tunggu
Manga alah batahun mangko kasiah ka habih
Eloklah dari dahulu bapatahkan
Tangkainyo, sabalun bungo kambang..

[Harry] Hati mambaro baturuikkan
Dima ka dingin parasaan
Mangko barubah raso cinto jadi api nyalo
Urang tuo adiak mambari
Jalan bapisah untuak kito
Denai lai tau jo untuang mangko batarimo..

[Elsa] Denai harokkan
Cinto kasiah kito sataguah karang
Walau ombak ombak mahampeh ndak ka rabah

[Harry] Usahlah kareh banampakkan
Tiado gunonyo ondeh adiak
Takkan mungkin urang tuo di lawan..

[Elsa] Bak cando batu,
Hari ka hari di titiak dek aia
Ka habih juo asa lai saba

[Harry] Hati jo jantuang nan lah kanai
Baa denai ka saba
Padiahnyo caro urang tuo adiak
Hingga manjadi darah dagiang

[Elsa] Denai cinto.. / [Harry] Denai pun cinto..
[Elsa] Denai sayang.. / [Harry] Denai pun sayang..
[Elsa] Tapi cinto indak ka dapek basatu..

[Harry] Denai cinto.. / [Elsa] Denai pun cinto..
[Harry] Denai sayang.. / [Elsa] Denai pun sayang..
[Harry] Tapi cinto indak ka dapek basatu..