Kardi Tanjung - Uda ka pulang juo

Adiak kanduang pautan cinto

Usahlah adiak baburuak sangko
Den baruik dado manahan hati nan taibo
Rang tuo adiak suko mahino dek ndak baharago

Adiak kanduang sibiran tulang
Manga diharok uda ka pulang
Dima ka mungkin tajalin kasiah tajalin cinto
Rang tuo adiak indak satuju indaklah suko

Adiak di kampuang usah manangih juo
Sumpah jo janji indak ka uda lupo
Doakan uda tacapai cito di rantau
Kok ado untuang ka pulang juo

Adiak kanduang di Ranah Minang
Manga uda disuruah pulang
Kok iyo adiak sabana sayang sabana cinto
Basaba adiak sarahkan diri ka Nan Kuaso

Adiak di kampuang usah manangih juo
Sumpah jo janji indak ka uda lupo
Doakan uda tacapai cito di rantau
Kok ado untuang ka pulang juo

Play and listen Kardi Tanjung - Uda ka pulang juo from Media Player :

Kumpulan Lirik Lagu Minang