Kumpulan Lirik Lagu Minang

Kumpulan lirik lagu Minangkabau | Lirik lagu Sumatera Barat

Top Ads

S Effendi Koto - Pariaman


Pariaman, tadanga langang batabuik mangkonyo rami
Adiak kanduang tadanga sanang baok tompang badan kami
Piladang balilah sanduak, di bali nak mudo-mudo
Di goyang baru di karuak, di caliak apo nan tibo
Batanang-tanang manjago, sansai den, malang den

Oi di kampuang tadanga sanang di rantau marasai badan
Tiado tampek ka batenggang sajak anam puluah lapan
Alun ado parubahan, sansai den, malang den

Layang-layang batali banang di ambiak ka tali timbo
lah heboh urang di Padang si Amir kawin jo jando
Halimah namonyo

Baru majan ndeh lah kaco baju seken galehnyo
Umua satangah tuo, limo puluah duo
Sansai den, malang den

Yo si Ana duduak marendo, marendo di hari sanjo
Dima indak jatuah cinto, goreng ciek nyo bagi duo
Indak cangok harato, sanang den, pueh den
 liriklaguminang.blogspot.com
Yo babuai, adiak babuai babuai piciangkan mato
Kok dapek kato sasuai barisuak jalan baduo
Ondeh lah kanduang oi

Cari duo puluah duo, angkonyo sarupo
Jan lengah menjago, ondeh lah sansai den
Malang den, kanduang den

Yo ka bukik batan padi di tanam anak bintuangan
Lah malang nasib si joki, lah tagak tiang gantuangan
Sabaleh di tangan, paniang den, sansai den..

Rumpuik saruik panjanglah la baa panek pandan maladuangkan
Sakik iduik sananglah baa panek badan manangguangkan
Ondeh kanduang oi

Si tujuah bandanyo dalam batambuih pinang mudonyo
Bamulo kasiah mandalam, di gayuang suduik matonyo
Tujuah puluah anam tolong pasangkan

Yo lah masak nasi rang kapau, cubadak jo gulai tunjang
Tadanga anak maimbau, oi abak capeklah pulang
Ampek puluah nan datang, kanduang den, lenyai den

Yo pinangi, lauak rang Tiku di atua jo tali pandan
Manangih adiak di pintu malapeh uda bajalan
Yo karantau urang

Cari anam puluah satu, usah sanak ragukan
Coretlah di katu, ondeh kanduang den
Sansai den, malang den

Kaluak paku kulai-kulaian anak di pangku di dendangkan
Cimburu jan balabiahan, mambuek sansaro badan
Tigo puluah sambilan, paniang den, panik den