Boy Shandy & Yen Rustam - Pantun babayang

• Facebook
• Twitter
• WhatsApp

Baindang urang di padang kajai

Rami dek anak rang lapau duku
Ba indang urang di padang kajai
Rami dek anak rang lapau duku

Pantun nan babayang kato sampai
Maaf di pintak yo tantang itu
Alah yo la ila yo sanak oi
Indak nan paubek hati risau

Mauluik urang di surau ipuah
Badikia sampai nan malam hari
Mauluik urang di surau ipuah
Badikia sampai nan patang hari

Dek bansaik mangko urang tak acuah
Tasisiah hiduik nan di nagari
Alah yo la ila dun sanak oi
Baitu buruaknyo untuang kami

 liriklaguminang.blogspot.com
Basimpang jalan ka padusunan
Ka suok taruih nan kasikapak
Basimpang jalan ka padusunan
Ka suok taruih nan kasikapak

Kok sansai lah lamo di tangguangkan
Yo sarik hiduik ndak ba bapak
Alah yo la ila dun sanak oi
Malang nan indak dapek di tulak

Tadanga tambua ba ibo-ibo
Urang baralek di ujuang tanjuang
Tadanga tambua ba ibo-ibo
Urang baralek di ujuang tanjuang

Kamano badan nan ka ba iyo
Sajak nyo maningga ayah kanduang
Alah yo la ila dun sanak oi
Di mano duduak sinan bamanuang

Di lauik nagari tanah taban
Ka mudiak tibo di balai kamih
Di lauik nagari tanah taban
Ka mudiak tibo di balai kamih

Kok indak dek pandang pakuburan
Bia di rantau babuang tangih
Alah yo la ila dun sanak oi
Bia di rantau babuang tangih

Baindang urang di padang kajai
Rami dek anak rang lapau duku
Ba indang urang di padang kajai
Rami dek anak rang lapau duku

Pantun nan babayang kato sampai
Maaf di pintak yo tantang itu
Alah yo la ila yo sanak oi
Indak nan paubek hati risau

Play and listen Boy Shandy & Yen Rustam - Pantun babayang from Media Player :

#Boy Shandy #Yen Rustam

• Facebook
• Twitter
• WhatsApp