Hoi.. Risaulai..
Nama nan Balai Sungai Sariak
Di mudiak kampuang Rang Bisati
Koto Mambang balainyo Jumaik
Ujuang parentah Tujuah Koto...
Ndeh.. maso lai tapintak di nan baiak
Yo lai bara ka sanjuang dengan puji
Kini lah jatuah ka mularaik
Guno nan lamo o hilang sajo lai
Jalan mandaki mandaki yo ka Tandikek Tandikek
Di baruah bukik yo bukik yo Paladangan
Di baruah bukik yo bukik yo Paladangan
Manyasa diri yo diri bana tak dapek tak dapek
Sajak lah sakik yo sakik yo paruntuangan
Sajak lah sakik yo sakik yo paruntuangan
Jalan babelok babelok di kampuang Bari yo Bari
Alah talewaik oh kantua Pasa Sicincin
Alah talewaik oh kantua Pasa Sicincin
Samaso kayo yo kayo banyak famili famili
Kini lah bansaik nan kanduang jadi rang lain
Kini lah bansaik nan kanduang jadi rang lain
Hoi Risaulai.. nama nan Pasa Padang Alai
Di mudiak balai urang Kudu
Limau puruik balainyo kamih
Dalam parintah Limo Koto
Ndeh disiko.. badan mangko ka sansai
Ndek Mak.. lah hilang jaso nan dahulu
Di baruik dado dalam tangih
ratok balulua surang sajo lai
Rang Sungai Limau mambao si cawan pinggan yo pinggan
Bao ka pasa o ka Sungai Garinggiang
Bao ka pasa o ka Sungai Garinggiang
Hati taibo taibo yo sadang makan yo makan
Si aie mato lah jatuah ka dalam piriang
Si aie mato lah jatuah ka dalam piriang
Rang kampuang Dalam mandaki ka Sungai Batuang yo Batuang
Baok padati padati yo ka Pakotan
Baok padati padati yo ka Pakotan
Siang jo malam bapikie mangana untuang yo untuang
Ikolah nasib yo badan suratan badan
Ikolah nasib yo badan suratan badan