Tiok pagi den manyungkah goreang pisang
Kopi paik sarato santo salintiang
Hati kusuik pangana manarawang
Bini mati anak-anak lah abih tabang
Coikolah kalau badan alah gaek
Gigi tangga nan uban mulai labek
Kok bajalan lutuik den manggaretek
Tiok mandi yo maabuih aie angek
Anak-anak kini jarang pulang
Sanang bana inyo di rantau urang
Tiok rayo aie mato den balinang
Coikolah kalau badan tingga surang
Datang surek dari anak nomor kincik
Nyo mangirim radio untuak ngebrik
Merek Kenwood dari nagari Amrik
Den pencet tombol bunyinyo talulalulit
Banyak gaek parangainyo cando ambo
Ndak takana badan alah baun tanah
Inyo sangko badan ko mudo juo
Nyo basiginyiang jo anak gadih matah
Anak gadih kini baitu pulo
Ndak paduli jo adaik jo agamo
Nan paralu ado urang nan ka mambao
Asa kayo bia gaek bia tuo
Anak-anak kini jarang pulang
Sanang bana inyo di rantau urang
Tiok rayo aie mato den balinang
Coikolah kalau badan tingga surang
Datang surek dari anak nomor kincik
Nyo mangirim radio untuak ngebrik
Merek Kenwood dari nagari Amrik
Den pencet tombol bunyinyo talulalulit