Ramon Asben - Hiduik sederhana

Den caliak suok denai caliak kida
Den pandang ka ateh di caliak ka bawah
Denai batanyo kapado diri
Dima ko denai sabananyo kini

Den pandang kanan tampak bayangan
Badan bak raso urang barasian
Diri den panuah jo angan-angan
Makasuik di hati mancapai bulan

Akhianyo den tahu itu hanyo khayalan
Hampia den lupo diri hampia lupo ingatan
Kato nan jo pitunjuak jadi padoman diri
Bayangan nan di kaja ndak di baok mati

Kini ko den sadar iko lah dunia
Akhianyo den tahu iko lah nan hiduik
Harato bando tak guno di kaja
Urang nan bahagia hiduiknyo sederhana

Den caliak suok denai caliak kida
Den pandang ka ateh di caliak ka bawah
Denai batanyo kapado diri
Dima ko denai sabananyo kini

Den pandang kanan tampak bayangan
Badan bak raso urang barasian
Diri den panuah jo angan-angan
Makasuik di hati mancapai bulan

Akhianyo den tahu itu hanyo khayalan
Hampia den lupo diri hampia lupo ingatan
Kato nan jo pitunjuak jadi padoman diri
Bayangan nan di kaja ndak di baok mati

Kini ko den sadar iko lah dunia
Akhianyo den tahu iko lah nan hiduik
Harato bando tak guno di kaja
Urang nan bahagia hiduiknyo sederhana
Urang nan bahagia hiduiknyo sederhana
Urang nan bahagia hiduiknyo sederhana
Urang nan bahagia hiduiknyo sederhana

Roni Chaniago - Simalakamo

Usah mandeh bakato denai anak durhako
Indak denai malawan mandeh
Lai di cubo manuruikkan kato mandeh
Tapi baa lah urang di cinto

Uda nan denai cinto usah balaruik juo
Angan jo mimpi ndak jadi nyato
Sananglah uda sanang samantaro
Sadang tarumik candonyo kini

Tuhan.. kami ndak badayo
Tunjuakkan baa jalan nan bana
Kasiahnyo bundo kasiahnyo cinto
Samo-samo iyo nan samo mulionyo

Di turuik kato hati apo nan ka tajadi
Rumik manimbang cinto jo budi
Sabana bedo kami sabana tabedo
Bak makan buah simalakamo

Tuhan.. kami ndak badayo
Tunjuakkan baa jalan nan bana
Kasiahnyo bundo kasiahnyo cinto
Samo-samo iyo nan samo mulionyo
Kasiahnyo bundo kasiahnyo cinto
Samo-samo iyo nan samo mulionyo
Kasiahnyo bundo kasiahnyo cinto
Samo-samo iyo nan samo mulionyo
Kasiahnyo bundo kasiahnyo cinto
Samo-samo iyo nan samo mulionyo

Silvia Melon - Mudo ka ganti lagak

Asa di aja maminum tuak oi sanak
Dari saraguik yo ka saraguik
Kian lamo batambah lamak oi sanak
Bilo salero alah bakandak asa manyuruak
Bialah bungkuak tak dietong urang jo awak
Nan paralu dek nyo pukek ta ijuak

Kalau di caliak di maso kini ndek sanak
Asiang biduak kala dilatak
Jo minum tuak ko di nan rami ndeh sanak
Den nan mudo ka ganti lagak
Satangah mabuak bagarah-garah
Awak lalu dek nyo urang basibak

Hiduang lapang e engak batambah
Indak nan labiah yo pado awak
(Indak nan labiah yo pado awak)

Kok lah biaso oi sanak maminum tuak
Nan ba akibaik oi kanduang iman ka rusak
Marilah kito oi sanak sadari diri
Kanalah juo oi sanak hiduik ka mati
(Kanalah juo oi sanak hiduik ka mati)

Asa di aja maminum tuak oi sanak
Dari saraguik yo ka saraguik
Kian lamo batambah lamak oi sanak
Nan akhianyo mambaok mabuak
Bilo salero alah bakandak asa manyuruak
Bialah bungkuak tak dietong urang jo awak
Nan paralu dek nyo pukek ta ijuak

Kalau di caliak di maso kini ndek sanak
Asiang biduak kala dilatak
Jo minum tuak ko di nan rami ndeh sanak
Den nan mudo ka ganti lagak
Satangah mabuak bagarah-garah
Awak lalu dek nyo urang basibak

Hiduang lapang engak batambah
Indak nan labiah yo pado awak
(Indak nan labiah yo pado awak)

Kok lah biaso oi sanak maminum tuak
Nan ba akibaik oi kanduang iman ka rusak
Marilah kito oi sanak sadari diri
Kanalah juo oi sanak hiduik ka mati
(Kanalah juo oi sanak hiduik ka mati)

Roni Chaniago - Jampi si tukang tanuang

Lah mambumbuang asok kumayan
Mambumbuang tabang ka baliak awan
Bungo nan sadang dalam ganggaman
Hilang di baok diak oi dek angin lalu

Bamimpi denai di malam buto
Adiak den sayang di rabuik urang
Indak gabak diak oi rinai pun tido
Sadangnyo paneh patuih mayemba

Jampi-jampi si tukang tanuang
Bapisah bungo nan jo tangkainyo
Cintonyo adiak ka denai surang
Kini baraliah ka urang lain

Oi limau puruik nan tumbuah sabatang
Babuah labek di parak urang
Adiak den jampuik den gungguang tabang
Tabang nan indak ka pulang lai...
Adiak den jampuik den gungguang tabang
Tabang nan indak ka pulang lai...

Bamimpi denai di malam buto
Adiak den sayang di rabuik urang
Indak gabak diak oi rinai pun tido
Sadangnyo paneh patuih mayemba

Dek jampi-jampi si tukang tanuang
Bapisah bungo nan jo tangkainyo
Cintonyo adiak ka denai surang
Kini baraliah ka urang lain

Oi limau puruik nan tumbuah sabatang
Babuah labek di parak urang
Adiak den jampuik den gungguang tabang
Tabang nan indak ka pulang lai...
Adiak den jampuik den gungguang tabang
Tabang nan indak ka pulang lai...

Silvia Melon - Dek kuek lompek

Bina lah mambina oi di dalam desa ndeh sanak
Tiang utamo ndeh kanduang kito basatu
(Tiang utamo ndeh kanduang kito basatu)
Patahlah tumbuah jo hilang baganti ndeh sanak
Di dalam desa do kanduang kan banyak suku
(Di dalam desa do kanduang kan banyak suku)

Bialah nak elok padi di sawah nan malang
Marilah kito do kanduang bahu mambahu
(Marilah kito do kanduang bahu mambahu)
Kalau bagadigua nan di ujung dahan ndeh sanak
Cubo pareso do kanduang ka bangka hulu
(Cubo pareso do kanduang ka bangka hulu)

Dusun rimbo e yo sanak jo kayu samuik
Banda labuah do kanduang tagak di bateh
Jo surau rambai ndeh sanak nan badakek an
Di dalam desa do kanduang yo padang kapeh

Di dalam desa e kan banyak suku nan malang
Ado mangatokan yo kanduang dalam pepatah
(Ado mangatokan yo kanduang dalam pepatah)
Kalau lai rato yo nan kanai pupuak yo kandang
Bia nak elok yo malang padi di sawah
(Bia nak elok yo malang padi di sawah)

Cubolah pareso do kanduang ka bangka hulu ndeh sanak
Antah kok ado do kanduang rantiang nan patah
(Antah kok ado do kanduang rantiang nan patah)
Mupakaik lah karo oi usah di buek ndeh malang
Dek kuek lompek do kanduang jatuah ka bawah
(Dek kuek lompek do kanduang jatuah ka bawah)

Dusun rimbo e yo kanduang jo kayu samuik
Banda labuah e yo sanak tagak di bateh
Jo surau rambai yo kanduang nan badakek an
Di dalam desa ndeh kanduang yo padang kapeh

Jan sampai tingga e ondeh di belakang ndeh kanduang
Kok ado nan putuih kanduang uleh mauleh
(Kok ado nan putuih kanduang uleh mauleh)
Urang lah batandiang oi balari kancang ndeh sanak
Kito mairiang ndeh kanduang sahinggo bateh
(Kito mairiang ndeh kanduang sahinggo bateh)

Nan di dalam desa ondeh lah padang kapeh malang
Diilia korong do kanduang yo palak pisang
(Diilia korong do kanduang yo palak pisang)
Kampuang lah kito e oi punyo basamo ndeh sanak
Jan sampai tingga ndek sanak nan di balakang
(Jan sampai tingga ndek sanak nan di balakang)

Kito mairiang ndeh kanduang sahinggo bateh
bialah urang yo kanduang balari kancang
Kini area do kanduang yo reformasi
Wasit manilai yo kanduang yang di balakang

Elly Kasim - Sio-sio panantian

Sio-sio panantian
Sio-sio denai mananti
Nan di nanti tak kunjuang tibo
Denai mananti arok juo

Lah bulan baganti bulan
Abih bulan baganti tahun
Kaba indak angin yo indak
Sio-sio den manantinyo

Sampai hati uda kanduang oi
Den di gantuang indak batali
Antah dima janji dahulu
Sio-sio denai mananti

Sio-sio panantian
Sio-sio denai mananti
Nan di nanti tak kunjuang tibo
Denai mananti arok juo

Sampai hati uda kanduang oi
Den di gantuang indak batali
Antah dima janji dahulu
Sio-sio denai mananti

Sio-sio panantian
Sio-sio denai mananti
Nan di nanti tak kunjuang tibo
Denai mananti arok juo

Roni Chaniago - Cinto mandalam

Duo tahun lamonyo denai adiak tinggakan
Sakik jo sanang nan alah denai rasokan
Antah ka bilo maso kito baduo
Lai ka mungkin batamu rueh jo buku

Manih manihnyo madu nan adiak janjikan
Pahik pahik ampadu nan denai rasokan
Bak cando luko nan di asami
Indak sapadiah indak sapadiah cinto mandalam

Antah ka bilo maso kito baduo
Lai ka mungkin batamu rueh jo buku

Manih manihnyo madu nan adiak janjikan
Pahik pahik ampadu nan denai rasokan
Bak cando luko nan di asami
Indak sapadiah indak sapadiah cinto mandalam

Boy Sandy - Nasib di parantauan

Lah babulan alah batahun
Denai di parantauan
Pagi patang siang jo malam
Den bakureh mambantiang tulang
Pagi patang siang jo malam
Den bakureh mambantiang tulang

Abih tahun musim baganti
Nasib indak barubah
Nan ka sanang bak cando urang
Antah bilo denai rasokan
Nan ka sanang bak cando urang
Antah bilo denai rasokan

Lai bana bausaho bansaik anggan jauh di badan
Hari-hari den bakawan parasaian jo paraseian
Lah den jalang kampuang halaman
Badan larek dek paruntuangan
Lah den jalang kampuang halaman
Badan larek dek paruntuangan

Lah babulan alah batahun
Denai di parantauan
Pagi patang siang jo malam
Den bakureh mambantiang tulang
Pagi patang siang jo malam
Den bakureh mambantiang tulang

Abih tahun musim baganti
Nasib indak barubah
Nan ka sanang bak cando urang
Antah bilo denai rasokan
Nan ka sanang bak cando urang
Antah bilo denai rasokan

Lai bana bausaho bansaik anggan jauh di badan
Hari-hari den bakawan parasaian jo paraseian
Lah den jalang kampuang halaman
Badan larek dek paruntuangan
Lah den jalang kampuang halaman
Badan larek dek paruntuangan

Febian - Langang di bulan tarang

Bulan masih turun di lalang
Bintang masih nyalo di awan
Angin lai ndak anggan datang
Tapi hati ko gamang

Nanti ado bisiak-bisiak sayang
Nanti ado gurau manjo pandang-pandangan
Nanti ado nyanyi-nyanyi sayang
Denai di tinggakan
Nanti ado bisiak-bisiak sayang
Nanti ado gurau manjo pandang-pandangan
Nanti ado nyanyi-nyanyi sayang
Denai di tinggakan

Rindu...
Rindu rindu lah tiado tampek bataduahnyo
Oh rindu...
Rindu rindu lah tiado rintang jo bujuaknyo
Samantaro bayang-bayang cinto
Makin manyikso suduik jantuang ko
Di tarang cahayo galang bapinto kasiah lah tiado
Di tarang cahayo langang batin ko cinto lah tiado

Bulan masih turun di lalang
Bintang masih nyalo di awan
Angin lai ndak anggan datang
Tapi hati ko gamang

Nanti ado bisiak-bisiak sayang
Nanti ado gurau manjo pandang-pandangan
Nanti ado nyanyi-nyanyi sayang
Denai di tinggakan
Nanti ado bisiak-bisiak sayang
Nanti ado gurau manjo pandang-pandangan
Nanti ado nyanyi-nyanyi sayang
Denai di tinggakan

Rindu...
Rindu rindu lah tiado tampek bataduahnyo
Oh rindu...
Rindu rindu lah tiado rintang jo bujuaknyo
Samantaro bayang-bayang cinto
Makin manyikso suduik jantuang ko
Di tarang cahayo galang bapinto kasiah lah tiado
Di tarang cahayo langang batin ko cinto lah tiado

Susi - Maharok bintang jatuah

Katokanlah..
Kok uda sabana cinto
Katokanlah..
kok uda sabana sayang

Usah denai di gantuang indak batali
Basarang rindu di badan denai
Manyeso diri

Cando maharokkan bintang
Jatuah di talapak tangan
Indak ado kato cinto uda barikan
Cando maharokkan bukik
Bilo ka manjadi gunuang
Indak ado kato cinto uda barikan

Manga uda mambisu saribu kato
Manga uda diam tiado barito
Usah denai di gantuang indak batali
Basarang rindu di dalam hati
Manyeso diri

Cando maharokkan bintang
Jatuah di talapak tangan
Indak ado kato cinto uda barikan
Cando maharokkan bukik
Bilo ka manjadi gunuang
Indak ado kato cinto uda barikan
Indak indak ado kato cinto uda barikan..

Anroy - Loyang basapuah ameh

Balinanglah si aie mato
Buruang takabek marangguik tali
Tabang malayok ka dahan rimbun
Malangnyo denai lah abih dayo

Kini lah hilang nyanyian cinto
Balahan hati baraliah pandang
Ruponyo adiak buruang pandayo
Mantang basayok kamari tabang

Kini lah lari, kini lah tandeh
Dahan den patah, daunnyo lareh
Adiak co loyang, basapuah ameh
Mandayo denai, jo punyonyo

Dulu sagalak samo sa riang
Kito sairiang samo sajalan
Bagitu janji nan kito galang
Indak ka puda kasiah nan padu

Kini lah hilang nyanyian cinto
Balahan hati baraliah pandang
Ruponyo adiak buruang pandayo
Mantang basayok kamari tabang

Kini lah lari, kini lah tandeh
Dahan den patah, daunnyo lareh
Adiak co loyang, basapuah ameh
Mandayo denai, jo punyonyo
Kini lah lari, kini lah tandeh
Dahan den patah, daunnyo lareh
Adiak co loyang, basapuah ameh
Mandayo denai, jo punyonyo

Zalmon - Rinai pambasuah luko

Oh Tuhan ampunkan denai
Suratan diri nan den sasali
Dek padiahnyo luko hati
Mimpi-mimpi acok mamanciang tangih
Putuih aso den rasoi
Kadang-kadang den batanyo ka diri
Untuak apo jantuang jo hati
Kadang-kadang den bisiakkan ka diri
Tutuikkan pintu rindu di hati

Di lahia sajo tampaknyo sanang
Di batin luko denai suruakkan
Mangko den acok ba langang-langang
Tuhan dangalah nyanyian malam
Di lahia sajo tampaknyo sanang
Di batin luko denai suruakkan
Mangko den acok ba langang-langang
Tuhan dangalah nyanyian malam

Oh Tuhan ubekkan denai
Buliah den tampuah kalamnyo hari
Nak dek hapuih mimpi-mimpi
Buruang murai lai bakicau pagi
Ombak maampeh manari
Tolong rinaikan hujan kok tibo
Den tampuang untuak pambasuah luko
Tolong rinaikan hujan kok tibo
Den tampuang untuak pambasuah luko

Di lahia sajo tampaknyo sanang
Di batin luko denai suruakkan
Mangko den acok ba langang-langang
Tuhan dangalah nyanyian malam
Di lahia sajo tampaknyo sanang
Di batin luko denai suruakkan
Mangko den acok ba langang-langang
Tuhan dangalah nyanyian malam

Odi Malik - Gamang manabuih janji

Uda japuiklah denai gungguanglah tabang
Bukannyo anggan denai manggungguang adiak
Dek badan indak badayo
Bak cando idua indak basaga

Uda tabuihlah janji jo mimpi-mimpi
Usah turuikkan cinto di dalam hati
Bamain api adiak tabaka
Bamain aie badan kok basah

Indak mungkin kasiah ka basatu
Den badan ganggaman urang
Nyato adiak gamang
Isuaknyo lupokanlah denai
Oi adiak sayang untuk salamonyo

Uda tabuihlah janji jo mimpi-mimpi
Usah turuikkan cinto di dalam hati
Bamain api adiak tabaka
Bamain aie badan kok basah

Indak mungkin kasiah ka basatu
Den badan ganggaman urang
Nyato adiak gamang
Isuaknyo lupokanlah denai
Oi adiak sayang untuk salamonyo
Indak mungkin kasiah ka basatu
Den badan ganggaman urang
Nyato adiak gamang
Isuaknyo lupokanlah denai
Oi adiak sayang untuk salamonyo

Susi - Padiah di tikam duto

Sadayuang biduak kasih janjian cinto
Hujan badai galombang samo di hadang
Santano biduak diri pandayuang patah
Cameh biduak ka karam uda tinggakan

Padiah padiah, padiah bana
Di tikam duto jo kato cinto
Sadiah sadiah, sadiah bana
Badan lah jatuh di timpo pulo

Katiko bulan tarang sadang bakilau cahayo
Badan di buai sayang di ayun cinto
Cahayo bulan hilang di tutuik awan hitam
Diri denai di buang indak baguno

Sadayuang biduak kasih janjian cinto
Hujan badai galombang samo di hadang
Santano biduak diri pandayuang patah
Cameh biduak ka karam uda tinggakan

Padiah padiah, padiah bana
Di tikam duto jo kato cinto
Sadiah sadiah, sadiah bana
Badan lah jatuh di timpo pulo

Katiko bulan tarang sadang bakilau cahayo
Badan di buai sayang di ayun cinto
Cahayo bulan hilang di tutuik awan hitam
Diri denai di buang indak baguno
Katiko bulan tarang sadang bakilau cahayo
Badan di buai sayang di ayun cinto
Cahayo bulan hilang di tutuik awan hitam
Diri denai di buang indak baguno

Boy Sandy - Rindu di rambang patang

Den pandang awan di rambang patang
Sinar mambayang urang den sayang
Indak tatahan rindu di hati
Ka sia untuang denai kadukan

Bia den kini jauah di rantau
Kampuang halaman den kana juo
Bia den kini lareh di rantau
Tapian mandi den jalang juo

Tinggi-tinggi tabangnyo bangau
Pulangnyo ka kubangan juo
Sajauah-jauah denai marantau
Isuak lai untuang ka pulang juo

Indak den silau dek kilek intan
Indak den gamang jo manih tabu
Janji nan lamo lai den ganggam arek
Bia bapisah nyawo jo badan

Bia den kini jauah di rantau
Kampuang halaman den kana juo
Bia den kini lareh di rantau
Tapian mandi den jalang juo

Tinggi-tinggi tabangnyo bangau
Pulangnyo ka kubangan juo
Sajauah-jauah denai marantau
Isuak lai untuang ka pulang juo

Den pandang awan di rambang patang
Sinar mambayang urang den sayang
Indak tatahan rindu di hati
Ka sia untuang denai kadukan

Bia den kini jauah di rantau
Kampuang halaman den kana juo
Bia den kini lareh di rantau
Tapian mandi den jalang juo

Tinggi-tinggi tabangnyo bangau
Pulangnyo ka kubangan juo
Sajauah-jauah denai marantau
Isuak lai untuang ka pulang juo
Tinggi-tinggi tabangnyo bangau
Pulangnyo ka kubangan juo
Sajauah-jauah denai marantau
Isuak lai untuang ka pulang juo

Amri - Piaman laweh

Piaman laweh oi kanduang urang batabuik
Oi satiok bulan Muharam nan di adokan
(Oi satiok bulan Muharam nan di adokan)
Urang nan datang mancaliak bak cando samuik
Oi gadang ketek tuo mudo ndak katinggalan
(Oi gadang ketek tuo mudo ndak katinggalan)

Adaik manurun sarato mandaki di Minang
Oi baitu bana sajarah nan mangatokan
(Oi baitu bana sajarah nan mangatokan)
Asa mulonyo agamo Islam bakambang
Oi Syeh Burhanudin dulunyo nan manyebarkan
(Oi Syeh Burhanudin dulunyo nan manyebarkan)

Jikok kito manyabuik tantang kamajuan
Oi satiok tahun pambangunan makin nyato
(Oi satiok tahun pambangunan makin nyato)
Batambah banyak oi tajadi parubahan
Oi kini Piaman lah ado walikotanyo
(Oi kini Piaman lah ado walikotanyo)

Kok hujan ameh oi kanduang di rantau urang
Oi kok hujan batu oi kanduang di kampuang kito
(Oi kok hujan batu oi kanduang di kampuang kito)
Eloklah kito yo samo tupang manupang
Ondeh baitu bana pituah urang nan tuo
(Oi baitu bana pituah urang nan tuo)

Anroy - Awan babega

Galok jantuangnyo awan babega
Indak indak sagalo risau nan tingga
Dulunyo kasiah raso lai takapa
Sadang banyanyi angin bapisah

Dek tabuak janji nan kito karam
Den hadang baja den tampuah awan
Den kayuah upiah jo dayuang sayang
Den etong untuang karano urang

Kini kok lauik baombak sunyi
Angin nan sadang bahambuih tanang
Jo sampan ameh pandayuang perak
Den jampuik adiak den gungguang tabang

Antah dek rancak nyanyian lauik
Badan maraso yo di muaro
Antah dek sampan takadia karam
Dalam kubangan den karam juo
Jikok di sasa apa nan ka di sasalkan
Adiak bana nan manukai janji
Kok den tangisi apo nan ka denai ranuangkan
Untuang ko bana takadia karam

Dek tabuak janji nan kito karam
Den hadang baja den tampuah awan
Den kayuah upiah jo dayuang sayang
Den etong untuang karano urang

Kini kok lauik baombak sunyi
Angin nan sadang bahambuih tanang
Jo sampan ameh pandayuang perak
Den jampuik adiak den gungguang tabang

Antah dek rancak nyanyian lauik
Badan maraso yo di muaro
Antah dek sampan takadia karam
Dalam kubangan den karam juo
Jikok di sasa apa nan ka di sasalkan
Adiak bana nan manukai janji
Kok den tangisi apo nan ka denai ranuangkan
Untuang ko bana takadia karam

Beniqno - Tanjuang katuang

Tanjuang katuang aienyo biru
Tagiliang mandi nan mudo-mudo
Tanjuang katuang aienyo biru
Tagiliang mandi nan mudo-mudo
Sadang sakampuang hati lai rindu
Kununlah adiak jauah di mato
Sadang sakampuang hati lai rindu
Kununlah adiak jauah di mato

Urang Padang batanam pauah
Tiok nan masak baok ka pakan
Urang Padang batanam pauah
Tiok nan masak baok ka pakan
Adiak jauah denai pun jauah
Rindu ka sia denai katokan
Adiak jauah denai pun jauah
Rindu ka sia denai katokan

Patah sayok si katik pirang
Anaknyo batiak tabang ka rimbo
Patah sayok si katik pirang
Anaknyo batiak tabang ka rimbo
Lah di lampok jo tapak tangan
Di salo jari yo tabang juo
Lah di lampok jo tapak tangan
Di salo jari yo tabang juo

Darai badarai si bungo lado
Jatuah di lendo si buruang bondo
Darai badarai si bungo lado
Jatuah di lendo si buruang bondo
Carai sahari raso tabedo
Kunun bapisah yo salamonyo
Carai sahari raso tabedo
Kunun bapisah yo salamonyo

Tanjuang katuang aienyo biru
Tagiliang mandi nan mudo-mudo
Tanjuang katuang aienyo biru
Tagiliang mandi nan mudo-mudo
Sadang sakampuang hati lai rindu
Kununlah adiak jauah di mato
Sadang sakampuang hati lai rindu
Kununlah adiak jauah di mato

Urang Padang batanam pauah
Tiok nan masak baok ka pakan
Urang Padang batanam pauah
Tiok nan masak baok ka pakan
Adiak jauah denai pun jauah
Rindu ka sia denai katokan
Adiak jauah denai pun jauah
Rindu ka sia denai katokan

Asben - Pituah mandeh

Anak kanduang kana lah diri
Dunia nan kayo jan dituruikkan
Usahlah hiduik suko maninggi
Ukualah bayang sapanjang badan

Jikok lagak banalah awak
Rancak di baju
Urang basalam licin dek minyak
Urang bamintak awak manjadi gunjiangan urang

Apo nan ado nan ka dipakai
Usahlah labiah yo dari itu
Arok dek tuah badan marasai
Akhienyo badan nan dapek malu

Usah nak gadang yo dari batang
Kanalah dahan nan ka maimpok
Agaklah bungkuak nan ka malantiang
Bak itu hiduik makonyo elok

Anak kanduang kana lah diri
Dunia nan kayo jan dituruikkan
Usahlah hiduik suko maninggi
Ukualah bayang sapanjang badan

Jikok lagak banalah awak
Rancak di baju
Urang basalam licin dek minyak
Urang bamintak awak manjadi gunjiangan urang

Apo nan ado nan ka dipakai
Usahlah labiah yo dari itu
Arok dek tuah badan marasai
Akhienyo badan nan dapek malu

Itu pitunjuak dari rang tuo
Usahlah sampai urang lupokan
Jikok lah hiduik di aja manjo
Kamano pai sansaro badan

Ucok Sumbara - Ado ayah ado carito

Lah hilang raso picayo diri
Mananti ambun pagi
Antah bilo cobaan ka bakurang
Ma uji iman di dalam dado
Nan kini denai rasokan

Tangiang juo ayah bapasan
Nan kini alah tiado
Usah turuikkan gadang di hati
Rancuang susah mambilah bedo
Nan luko diri den juo

Ayah.. kini ko tingga pusaro
Datanglah ka dalam mimpi
Supayo tajawek tanyo
Tuhan.. tarimolah doa denai ko
Lapangkan urang nan pai
Tabahkan kami nan di tinggakannyo

Tabayang juo sangkek kami manjo
Ado ayah ado carito
Tabayang juo sangkek kami manjo
Ado ayah ado carito

Tangiang juo ayah bapasan
Nan kini alah tiado
Usah turuikkan gadang di hati
Rancuang susah mambilah bedo
Nan luko diri den juo

Ayah.. kini ko tingga pusaro
Datanglah ka dalam mimpi
Supayo tajawek tanyo
Tuhan.. tarimolah doa denai ko
Lapangkan urang nan pai
Tabahkan kami nan di tinggakannyo

Tabayang juo sangkek kami manjo
Ado ayah ado carito
Tabayang juo sangkek kami manjo
Ado ayah ado carito

Febian - Katiko cinto musti mangalah

Manangiahlah adiak sayang
Aie mato usahlah adiak tahan
Bialah tagarai bajatuhan
Bia mambaban padiah luko pisah sayang

Antaro kito ado jurang
Indak mungkin kito sabimbiang tangan
Ayah bundo usah samakan
Salagi kito, salalu kito oh mangapa bungo

Mustinyo cinto tak singgah
Mustinyo pintu hati ka babuka
Mustinyo rindu-rindu ko
Indak acok nyalo
Ulah denai nan tak pandai
Mangukua bayang-bayang diri
Adiak lah tabaok sansai
Cinto hanyo mimpi.. u u uu..
Cinto hanyo mimpi

Antaro kito ado jurang
Indak mungkin kito sabimbiang tangan
Ayah bundo usah samakan
Salagi kito, salalu kito oh mangapa bungo..

Mustinyo cinto tak singgah
Mustinyo pintu hati ka babuka
Mustinyo rindu-rindu ko
Indak acok nyalo
Ulah denai nan tak pandai
Mangukua bayang-bayang diri
Adiak lah tabaok sansai
Cinto hanyo mimpi.. u u uu..

Oh.. katiko cinto musti mangalah..
Oh.. katiko cinto patah di tangah..
Oh.. sakiknyo sakik
Kasiah mangadu hati tasambilu
Oh.. katiko cinto musti mangalah..
Oh.. katiko cinto patah di tangah..
Oh.. katiko cinto musti mangalah..

Zalmon - Nan tido manahan hati

Bialah diak hujan tangah hari
Nak nyo tumbuah si rumpuik banto
Bialah diak denai surang diri
Kok jo ambo mungkin sansaro
Bialah diak denai surang diri
Kok jo ambo mungkin sansaro

Yo.. yo.. mungkin sansaro
Yo.. kok jo ambo mungkin sansaro

Santano bapisah indak
Denai bakacia hati
Sajak dulu denai lah tahu
Mimpi-mimpi tatingga mimpi

Kayo Aro balapang nasi
Dingin-dingin di Sukarami
Lah biaso galak dek nan lai
Ranang tido manahan hati
Lah biaso galak dek nan lai
Ranang tido manahan hati

Yo.. yo.. manahan hati
Yo.. ranang tido manahan hati

Santano bapisah indak
Denai bakacia hati
Sajak dulu denai lah tahu
Mimpi-mimpi tatingga mimpi

Kayo Aro balapang nasi
Dingin-dingin di Sukarami
Lah biaso galak dek nan lai
Ranang tido manahan hati
Lah biaso galak dek nan lai
Ranang tido manahan hati
Lah biaso galak dek nan lai
Ranang tido manahan hati

Yo.. yo.. manahan hati
Yo.. ranang tido manahan hati

Wisye Pranadewi - Bungo larangan

Lai den cinto bungo-bungo di laman
Sajak putiak kini lah kambang
Lah den raiah bungo ka pamenan
Denai pupuak jo kasiah sayang
Lah den raiah bungo ka pamenan
Denai pupuak jo kasiah sayang

Tapi sayang sayang apo ka dayo
Kini bungo bapaga tinggi
Lah den cubo ndak namuah den lupo
Dek kini ba kawek baduri

Basabalah dulu bungo nan jomang
Kalo untuang kasiah batali
Denai bacinto bungo larangan
Kumbang bahinggok putiah kaki
Denai bacinto bungo larangan
Kumbang bahinggok putiah kaki

Lai den cinto bungo-bungo di laman
Sajak putiak kini lah kambang
Lah den raiah bungo ka pamenan
Denai pupuak jo kasiah sayang
Lah den raiah bungo ka pamenan
Denai pupuak jo kasiah sayang

Tapi sayang sayang apo ka dayo
Kini bungo bapaga tinggi
Lah den cubo ndak namuah den lupo
Dek kini ba kawek baduri

Basabalah dulu bungo nan jomang
Kalo untuang kasiah batali
Denai bacinto bungo larangan
Kumbang bahinggok putiah kaki
Denai bacinto bungo larangan
Kumbang bahinggok putiah kaki

Elly Kasim - Tinggalah kampuang

Tinggalah kampuang Ranah Balingka
Gunuang Singgalang ondeh lai ka manjago
Mandeh kanduang tolong jo doa
Antah pabilo ondeh kito basuo

Takadia untuang kok lai ka mujua
Bilo masonyo kito basuo
Sadang kok arek tali jo bumi
Bakareh rotan kini jadinyo

Ji kok taragak yo nak basuo
Di dalam nyanyi ondeh denai pasankan
Ji kok taragak mandeh jo ambo
Di dalam mimpi ondeh kito batamu

Oh mandeh kanduang tolong jo doa
Antah pabilo ondeh kito basuo

Takadia untuang kok lai ka mujua
Bilo masonyo kito basuo
Sadang kok arek tali jo bumi
Bakareh rotan kini jadinyo

Ji kok taragak yo nak basuo
Di dalam nyanyi ondeh denai pasankan
Ji kok taragak mandeh jo ambo
Di dalam mimpi ondeh kito batamu..
Oi mandeh..

Amir Sampuraga - Lenyai

Lah baranang itiak jo angso ndeh tuan oi
Ka pulau Pisang, basanang-sanang ondeh lah tuan oi
Ka Pulau Pisang, basanang-sanang ondeh lah tuan oi
Baru sanang panyakik tibo ondeh tuan oi
Tigo puluah limo hari ondeh tuan oi denai takongkang
Nan salamo ko kawan nan datang kini mahilang

Ondeh... sansai... lenyai... lah tuan den..
Ondeh... sansai... lenyai... lah tuan den..

Nan si tujuah bandanyo dalam ndeh tuan oi
Ya nan bakambuik inang mudonyo inang mudonyo
Yo nan bakambuik inang mudonyo inang mudonyo
Yo bamulo kasiah mandalam yo tuan oi
Dek muluik manih dek muluik manih denai tajayo
Tujuah lah anam tuan kini lah tandeh ditingga kando

Ondeh... sansai... lenyai... lah tuan oi..
Ondeh... sansai... lenyai... lah tuan oi..

Lah badantum ombak sailang ndeh tuan oi
Tibo di tapi mamacah karang ondeh lah tuan oi
Tibo di tapi mamacah karang ondeh lah tuan oi
Lah tamanuang di tapi jalan ndeh tuan oi
Kaki ndak pulang lapan sambilan urang lah manang
Nan sadang coki usahlah berang usahlah berang..

Eka Mustika - Ndak ka mungkin

Ndak ka mungkin, ndak ka mungkin
Cinto kito basatu antaro kito baduo
Bagaikan cando ameh denai cando timbago
Indak mungkin kironyo kasiah nan ka basatu
Ndak ka mungkin, ndak ka mungkin

Biarpun cinto kito hanyolah di dalam angan-angan
Abadilah salamonyo abadi dalam kenangan
Sungguah pun seso di dalam hati
Dikana cinto kito akhiri
Padonyo bisuak manyasa kini

Ndak ka mungkin, ndak ka mungkin
Cinto kito basatu antaro kito baduo
Bagaikan cando ameh denai cando timbago
Indak mungkin kironyo kasiah nan ka basatu
Ndak ka mungkin, ndak ka mungkin

Biarpun cinto kito hanyolah di dalam angan-angan
Abadilah salamonyo abadi dalam kenangan
Sungguah pun seso di dalam hati
Dikana cinto kito akhiri
Padonyo bisuak manyasa kini

Ndak ka mungkin, ndak ka mungkin
Cinto kito basatu antaro kito baduo
Bagaikan cando ameh denai cando timbago
Indak mungkin kironyo kasiah nan ka basatu
Ndak ka mungkin, ndak ka mungkin